Bojalar - Qizalog'im

Qizalog‘im, yuragim qaltiratgan ovunchog‘im
Qizalog‘im, uxlamay meni kutgan qizg‘aldog‘im
Qizalog‘im ko‘zlaringdan o‘pay men mehribonim
Qizalog‘im men uchun butun dunyo jonajonim

Kulsang ko‘nglim yorishib ketar qizim sen meni qaro ko‘zim
Erkalanib dadajon deganingda erib ketaman o‘zim
Bir kun o‘zga uyga uzatishim o‘ylasam yuragim ortga tortadi qizim
Rayhon hidlaringdan aylanay o‘zim oy qizim, yulduz qizim

Qizalog‘im, yuragim qaltiratgan ovunchog‘im
Qizalog‘im, uxlamay meni kutgan qizg‘aldog‘im
Qizalog‘im ko‘zlaringdan o‘pay men mehribonim
Qizalog‘im men uchun butun dunyo jonajonim

Qo‘ling kuyib choy uzatgan qo‘lingdan o‘rgilayin jon qizim
Tufligim yaltiratib har kun ishga kuzatib qo‘ygan qizim
Qizi bor dadalar dunyodagi eng baxtli dadalar bilsang jon qizim
Sen ko‘zim nuri, sen meni baxtim, sen gulim qizim

Qizalog‘im, yuragim qaltiratgan ovunchog‘im
Qizalog‘im, uxlamay meni kutgan qizg‘aldog‘im
Qizalog‘im ko‘zlaringdan o‘pay men mehribonim
Qizalog‘im men uchun butun dunyo jonajonim